Vender.am հարթակի ադմինիստրացիան (այսուհետ՝ Կատարող) իրեն իրավունք է վերապահում փոխել և ջնջել տեղեկությունների հրապարակման վերաբերյալ սույն Կանոնների առնվազն մեկ կանոնին չհամապատասխանող տեղեկությունը՝ առանց Հարթակի կողմից այն հրապարակած օգտատիրոջը նախազգուշացնելու կամ ծանուցելու:
Vender.am հարթակում տեղադրման ենթակա են՝
- ՀՀ-ում գրանցված ընկերությունների կամ անհատ ձեռնարկատերերի կողմից արտադրված ապրանքների վերաբերյալ տեղեկություններ
- ՀՀ-ում գրանցված ընկերությունների կամ անհատ ձեռնարկատերերի կողմից Հայաստան ներմուծված ապրանքների վերաբերյալ տեղեկություններ
Չի թույլատրվում տեղեկություն հրապարակել գործունեության ցանկացած ձև ծավալող միջնորդներից: Հարթակի կատալոգներում տեղեկության հրապարակումը հասանելի է միայն հայկական արտադրող ընկերությունների, ինչպես նաև ՀՀ ներմուծում իրականացնող ընկերությունների և անհատների համար (հետագայում՝ Մատակարար):
Մատակարարներ, որոնք չեն հրապարակվի կատալոգում և չեն ցուցադրվի Հարթակում որոնելիս
- Գործունեության ցանկացած ձև ծավալող միջնորդ ընկերությունները
- Հարթակում գրանցված ընկերությունները, որոնք կայքում չեն ավելացրել սեփական արտադրության գոնե մեկ ապրանք
- նիշերի անիմաստ հաջորդականություն կամ բանալի բառերի շարք կամ արտաքին կայքերի հղում պարունակող անվանում ունեցող ընկերությունները՝ պայմանով, որ նման անվանումը չի համապատասխանում ընկերության լրիվ անվանմանը՝ համաձայն հիմնադիր փաստաթղթերի
- հայտարարությունների տեքստում և վերնագրերում html կոդ օգտագործող, բառերի տառերի միջև բացատներով գրող, մեծատառերով մուտքագրված տեքստեր (բացառություն են հապավումները) հրապարակող ընկերությունները
- քերականական, կետադրական կամ շարահյուսական շատ սխալներ թույլ տվողները
- տրանսլիտով նկարագրությամբ
- SEO-ուղղվածությամբ նկարագրական տեքստերով (բանալի բառերի անիմաստ հավաքածու)։
Հարթակում հրապարակումն արգելված ապրանքների, ծառայությունների, գործունեության տեսակների և այլ տեղեկությունների ցանկ
Արգելվում է հրապարակել՝
- Տեղեկություններ այն ապրանքների մասին, որոնց տարածումն արգելված է Հայաստանի Հանրապետության գործող օրենսդրությամբ, ներառյալ՝ ներքոշարադրյալների՝ չսահմանափակվելով դրանցով՝
- կեղծ ապրանքներ,
- թմրամիջոցներ, հոգեմետ նյութեր և դրանց պրեկուրսորներ,
- պայթուցիկ սարքեր և նյութեր,
- հավաստագրման / լիցենզավորման ենթակա ապրանքներ և ծառայություններ անհրաժեշտ հավաստագրերի / լիցենզիաների բացակայության դեպքում։
- Առանց համապատասխան թույլտվությունների / լիցենզիաների / հավաստագրերի՝ հրապարակել տեղեկություններ պարտադիր հավաստագրման / լիցենզավորման ենթակա ապրանքների մասին (ներառյալ, բայց չսահմանափակվելով)՝
- ծխախոտային արտադրանք և ծխելու պարագաներ,
- դեղեր, բժշկական սարքավորումներ և բժշկական ծառայություններ,
- ԿԱՀ-եր և սպորտային սնունդ,
- մանկական սնունդ:
Նման ապրանքներ առաջարկող մատակարարը Հարթակի պահանջով պարտավոր է տրամադրել լիցենզիայի, պարտադիր հավաստագրման, պետական գրանցման առկայությունն ապացուցող փաստաթղթային տվյալներ:
- Ցանկացած տեղեկություն, որը կապված չէ տնտեսական գործունեություն ծավալելու հետ և չի առնչվում այս կամ այն ոլորտի ապրանքների արտադրության կամ ներմուծման հետ
- Հայհոյանքներ, անպարկեշտ և վիրավորական արտահայտություններ (պատկերներ), համեմատություններ և արտահայտություններ՝ կապված սեռի, ռասայի, ազգության, մասնագիտության, սոցիալական կարգավիճակի, տարիքի, կրոնական պատկանելության, պետական խորհրդանիշների հետ
- Տեղեկություններ այլ օգտատերերի (իրավաբանական և ֆիզիկական անձինք-ձեռնարկատերեր) մասին, որոնք արդեն ներկայացված են հարթակում
- Տեղեկություններ, որոնք խախտում են երրորդ անձանց հեղինակային իրավունքները, արտոնագրային իրավունքը, առևտրային գաղտնիքը, պարունակում է կայքերի կամ առանձին էջերի պատճեններ, պատկերներ և տեքստեր, որոնք հրապարակված են համացանցում, և դրանց պատճենումն արգելված է բնօրինակի սեփականատերերի կողմից։
Հարթակում հրապարակվող տեղեկություններին/գովազդային նյութերին առնչվող լրացուցիչ պահանջներ
Ապրանքի նկարագրության կամ հայտարարության վերնագիրը և տեքստը պետք է գրված լինեն գրագետ հայերենով՝ առանց տառասխալների: Ընտրված բանալի բառերը և կատալոգի բաժինները պետք է համապատասխանեն հայտարարության թեմային:
Հայտարարության մեջ օգտագործվող URL-ն պետք է լինի գործող և համապատասխանի հայտարարության թեմային:
Մատակարարի կոնտակտային տվյալները պետք է նշվեն ճշգրիտ և առանց տառասխալների, իսկ հեռախոսով հնչեցված առաջարկը պետք է համապատասխանի հայտարարության տեքստին։
Մեծ թվով միանման հայտարարությունների ստեղծումը (նույն տեքստով, կայքով, բանալի արտահայտություններով) դիտարկվում է որպես սպամի փորձ։ Նման հայտարարությունները կմերժվեն ինչպես մոդերացիայի փուլում, այնպես էլ հրապարակումից ու հարթակի ծառայությունների գործարկումից հետո:
Մատակարարի կողմից տեղադրվող ապրանքի նկարը պետք է՝
- համապատասխանի նկարի տեխնիկական պահանջներին (չափսեր, ֆայլի ձևաչափ և այլն), որոնք նշված են օգտատիրոջ վեբ ինտերֆեյսում,
- պետք է լինի որակյալ և համապատասխանի ապրանքի անվանմանը։
«Դիմարկ» ՍՊԸ
2022-04-05